من طرف the one الجمعة 25 أبريل 2008, 9:36 pmبسم الله الرجمن الرحيم
الماتش التاني في نصف نهائي دوري الابطال الاوروبي , بين المان يونايتد وبرشلونه , والماتش علي ملعب البرسا .
تشكيلة الفرقتين :
برشلونة : فيكتور فالديز ( حارس مرمي ) , ( الدفاع ) ايريك ابيدال , جابرييل ميليتو , رفائيل ماركيز , جيانلوكا زامبروتا , ( خط الوسط ) كزافي هيرنانديز , يحي توريه , اندريس انيستا , انديرسون ديكو , ( الهجوم ) صامويل اتو , ليونيل ميسي .
تشكيلة مانشستر يونايتد : ادوين فان دير سار ( حارس مرمي ) , ( الدفاع ) باتريس ايفرا , ريو فردناند , ويس براون , اوين هيرجريفز , ( خط الوسط ) جي سونج بارك , بول سكولز , مايكل كاريك , ( الهجوم ) كريستيانو رونالدو , واين روني , كارليتوس تيفيز .
التغييرات :
برشلونه : بويان كريكتش نزل مكان ميسي ! , تيري هنري نزل مكان ديكو .
المان يونايتد : ناني مكان رونالدو , جيجز مكان روني .
ماتش جميل جدا , بدا بسخونه وضربة جزاء للمان يونايتد , لكن رونالدو بيطيح بيها خارج المرمي !
ومن بعدها ماهجمش المان يونايتد تقريبا ولا هجمه خطيره , وكل السيطره والتالق والهجوم لمصلحة برشلونة , لكن سوء مستوي اتو وديكو كان ماثر بشكل كبير علي مجهود الفرقه , وطبعا ابدع ميسي في اللقاء بشكل كبير قوي قوي قوي , صحيح ايفرا ( واحد من نجوم الماتش ) كان مضايقه جدا , لكنه عرف يتغلب عليه ,اللي كان بقي من نجوم اللقاء في رايي الشخصي المتواضع هو زامبروتا , تالق بشكل كبير جدا علي الناحيه اليمين , هجوم ودفاع ووسط , تمريرات وشوط وتغطيه , عمل كل حاجه في الملعب , فكرني بمستواه في كاس العالم 2006 , وتالقه الشديد في البطوله دي , بصراحه الماتش كان قوي جدا , بس كان من طرف واحد , برشلونه فعلا كانت مسيرطه بشكل كبير , لكن ريكارد عمل تغيير غريب جدا , طلع ميسي ونزل مكانه الناشئ بويان , التعليق مش علي بويان , لا بالعكس , بويان لاعب ممتاز جدا جدا , لكن ميسي هو ميسي , خصوصا انه كان متالق , وطبعا كانت فيه غلطه تانيه , فين هنري ؟ منزله في الدقيقه حوالي 78 , لدرجة اني كنت بعيط وبدعي انه ينزله , لكن منزله في اخر دقايق , تخيلوا , هنري العظيم يلعب في اخر عشر دقايق , ونزل طبعا قلب الماتش تماما , وزادت بشكل كبير سيطرة البرسا , وعمل كذا كورة جميله جدا , لكن المفروض يبتدي اساي , ده هنري مش اي حد .
عموما الماتش انتهي بالتعادل , لكن لسه فيه ماتشات العوده الاسبوع الجاي , استنوها وشوفوها , علشان تسهلوا عليا التحليل !
انا بتمني ان ليفربول وبرشلونه يصعدوا للنهائي , ياتري انتوا ايه ارائكم ؟
