كل واحد يحكي موقف طريف حصله

انا طول عمرى متسرعة وادى الدليل بس ده من زمان قوى كنت قاعدة انا وصحباتى الاتنين على العموم كنت بكلم واحدة فيهم والتانية لا كنا مندمجين ومش حسين المهم لقيت الابلة بتسال سؤال فانا افتكرت ان هى بتقول مين يقف على الفصل فرفعت ايدى بسرعة لقيت ان كل الفصل بيبصلى ويضحك وصحبتى اللى كنا مطنشنها ميتة على نفسها من الضحك واللى كنت برغى معاها مش فاهمة حاجة زى المهم الابلة قلتلى اطلعى ياهمسة واختارى حد معاكى فحسيت انى عايزة اصالح البنت اللى احنا كنا مطنشنها فقلتلها هى لقيت البنت بطلطم ووشها اسود وبعدين بقول للابلة حخلليلك الفصل سكوت قالتلى لاياهمسة اتفضلى لمى الزبالة وانا كان حيغمى على من الضحك

طب اقولك موقف محرج مرة واحدة قريبتى قالتلى تعطينى سن اد ايه بصراحة حسيت انها كبيرة وقلت لازم اجاملها وقلتلها28 وانا حاسة ان انا اكبر كذابة المهم البنت وشها اسود وقالتلى 28 ياهمسة حرام عليكى ده انا عندى 18

طب اقولك موقف تانى مرة سالت ماما يعنى المرض الخبيث قالتلى ده مرض وحش ومردتش على سؤالى وبعدين جالى برد فى حنجرتى فانا افتكرت ان ده المرض الخبيث وقلت للميس بتاعتى لقيتها اتخضت وطبطبت عليا وقالتى معلش كنت عايزة اقولها هو ده المرض اللى الناس بتخاف تقول اسمه ولقيتها حتعيط كنت عايزة اقولها انه مش خبيث للدرجاتى المهم قلت لماما قالتلى يالهوى اللى انتى هببتيه ده وقالتلى روحى قوليلها انك معندكيش حاجة ورحت اقولها وضحكت الابلة خلصت الحدوتة الاصحيح يعنى ايه المرض الخبيث

انا كان عندى امتحان امبارح والامتحان كان بره المتوقع خالص
طبعا حاولنا نغش من بعض بس للاسف مفيش حد عارف حاجه وخلاص العيال كانوا هيعيطوا
طبعا صعبوا عليا وصعبه عليا نفسى
وشتغلت فى التاليف ليا وليهم
المراقب بقى حس انى انا عملاله حفله فى المدرج
قالى قومى من مكنك وتعلى هنا جمبى ورينى تغششى مين
وهو مش عارف الى فيهااااااااااااااا

لانا حصل معايا موقف يمكن كتير منكم شفوة على الموبيلات اكيد كلكوا تعرفوا الولد الى بينضرب على قفاة فى كل موبيلات مصر طبعا الولد دة ولا نعرفة ولا عمرنا شوفناة بس اخدنا فكرة الكليب وقلنا نشتغل اصحبنا فى الكلية وقمنا مصورين الكليب تانى على الموبيل بتاعى بمساعدة اربعة من اصحابى وكنا نازلين الكلية بعدها بيومين فى الفترة دى بدات اتصل بالناس اصحابى فى الكلية شباب وبنات وبدات اعرفهم انوة فى مصيبة حصلت بين طفطف ومانشى ودول كانوا ابطال القصة دى المهم بدات فى تكتلات تحصل ما بين الناس ودة يقول لدة انتا غلطان وجاة يوم الوعد فى الكلية
وكان يوم ما يعلم بية غير ربنا طبعا كنت انا وواحد تانى من اصحابى متفقين انوة انا هاكون مع واحد وصاحبى هايكون مع واحد وهانكون قدام الناس ضد بعض المهم رحنا الكلية فى اليوم دة ودخلت على صاحبى المدرج وشديت معاة فى الكلام وقلتلوا انا مستنيك تحت المهم قالى انا جايللك ونزلنا شديت معاة فى الكلام زقيتة قدام الناس وهوة ياعينى صعب عليا لانة نحيف اوى فوقع على الارض ودى سخنت الموضوع اكتر وطبعا كان فى ناس من برة مش اصحابنا واقفين بيتفرجوا علينا واتفقت مع واحدة صاحبتى تقف فى دور عالى من المبنى علشان تصور الموضوع كلة وهوة بيحصل من شد وجزب وكدة
وبعد شوية يعنى شوية حليوين من حرقة الدم لاصحابى قمنا واخدين بعض بالاحضان يعنى الى هما كانوا مشتركين فى الموضوع من اولة وواول ما عملنا كدة الاقى كل الناس تسيب اصحابى وكلهم يجروا ورايا وانا اقول حرامى الحقوا حرامى والحمد لله عرفت افلت منهم لانة لو مكنتش فلت اكيد مكنتش اتعرفت على احلى شباب وبنات هنا فى المنتدى ودى الموقف الى عمرة ما هانساة وموضوع هايل يامان cooooooooooool

انا بقى حصلى موقف غريب اوى
كنت فى مرة رايحه الدرس بتاعى المهم يعنى نسيت اخد فلوس للمواصلات وكده فركبت مشروع وكده ومكنتش اعرف ان فلوسى خلصت فلما عرفت المصيبه طلبت من واحده كبيرة اوى انها تدينى فلوس وكده يعنى
فقالتلى طيب يا بنتى كل شويه الاقيها بتبصلى اكنها بتقولى فين الفلوس لانها افتكرت ان بقولها يعنى عاوزة فكه منك
المهم علشان اطلع من الموقف البايخ ده وانا نازله قولتلها يا طنط خدى الفلوس من الراجل اوك قالتلى طيب يا بنتى ربنا ينجحك وكده ........... المهم مشيت فبص ورايا لاقيت الست دى نزلت من المشروع وهى بتزعق مع الراجل
وانا قولت يا فكيك وطلعت جرى عالبيت هههههههههه بنصحكم خدوا كل الفلوس اللىفى البيت

إحنا في الصف شلة مشاغبة كتير كل كلمة بتاولها المعلمة وبعمللها غياهة غنية
بس هي صبرت كتير علينا عشانا شاطرات بس أخر شي
نزلتنا على الإدارة أكلنا بهدلة مرتبة
ونحرمنا من التخريج بس أصلا إحنا ما بنستحي مميت معلمة ترجو المديرة
عشان تعفو عنا بس بلأخير عفت
وإحنا ما بنستحي ما تأدبنا أعدنا يوم واحد مأدبين وما إدرنا اكتر
ورجعنا على المشاغبة وبس كنا إنشاغب كانت المديرة في الطابق يلي إحنا ية دخلت وانا على الدرج برقص ضربتني كف ما بنسا من مرة كان أول كف باكلو في حياتي و أخير بس رجعت نادتني على غرفتها وتأسفتليي لغني من بعدو ما درست ليلي ونهار ببكي بس هيدة الموقف يلي حصلي وما بنسى أبدا

حقولكوا موقف خالى كان حضره المهم كان خالوا واصحابه مسافرين فى قطر المهم واحد كان صعيدى فرش على الارض ونام ومع اهتزاز القطر راحت شنطة سودة وقعت على دماغه قام متنرفز ومسك الشنطة وقال شنطة مين ديه مين محدش رد راح ماسكها ورماها من الشباك ونام تانى المهم فى المحطة صحوه ولقوه عمال يدور ويقول محدش شاف شنطتى قالولو لونها ايه قال لونها اسود اكيد فهمتوا انه رمى شنطته

حرام عليك انت جالك قلب تعمل كده مع الصرصار ده انت قاسى قوى