من طرف the one الإثنين 19 مايو 2008, 10:49 pm[size=24]يارب تكون الحلقه الاولي منه عجبتكم
ومنتظر اشتراكاتكم وتعليقاتكم علي الحلقه التانيه
ونبتدي تاني يوم من يوميات سالي وعبده :[/size]
عبده راجع البيت طهقان وقرفان وعمال يسب ويلعن في الشغل والحر وفي سالي ( طبعا ) !!!!
بيرزع الباب بالرجل , ويزعق ( بس وهو بيبص يمينه وشماله ) :
_ انتي يا هانم ,اعملي الاكل بسرعه علشان جعاااااااااااااااان !
سالي تطلع بسرعه من الاوضه , فعبده يفتكرها طالعه علشان تموته , فيستخبي ورا الكرسي !
_ انت فين يا بني ادم يالي كنت بتزعق من شويه ؟
_ ايوه يا حبيبتي دنا كنت والله بس جعان وكنت عايز اكل !
_ اتكتم شويه علشان معايا ضيف مهم في الاوضة .
_ ومين ده بقي ان شاء الله اللي معاكي في الاوضه ؟
_ ده عم سيد البواب , اشتغل اليومين دول في تطليع الارواح , وانا امي وحشتني فقلت ييجي يجيبهالي اتكلم معاها شويه .
_ ( عبده في سره ) الهي يا رب قبل ما تجيلك تكوني انتي رايحالها , بس يا حبيبتي احنا هنزعج ماما ليه , ماتخليها فوق احسن .
_ اه قول بقي انك مش عايز تشوف ماما ياسي عبده .
_ لا العفو , بس هتنزلي ماما علشان تكلميها , وهي تلاقيها قرفانه من الارض اصلا .
_ لا اصل انا كمان يا عبده عايزه اسالها علي طريقة عمل المكرونه بالبشاميل .
_ يعني هتنزلي ماما علشان المكرونه اللي بالبشاميل يا سالي ؟ اجيبهالك ديلفري .
_ انت مش عايزها تنزل وخلاص علشان ماشتكيلهاش منك .
_ اعملي اللي عايزه تعمليه يا سالي بس انا جعان .
_ استني اما ماما تيجي علشان تاكل معانا .
_ يا مثبت العقل , يا بنتي دي ميته , يعني روحها بس اللي هتيجي .
_ انت مش هتبطل الطفاسه دي , يا نستني ماما يا اما مفيش اكل النهارده , قلت ايه ؟
_ استني وامري لله
قاعد عبده بره , وسامع سيد جوه عمال يتكلم كلام غريب !
_ انزلي بحق جاه النبي , انزلي يا فتكات يا ام سالي ومحسن , انزلي علشان صينية المكرونه تلحق تستوي قبل ما امشي !يعني عايزاني اغنيلك طييييييب ( ماما زمانها جايه جايه بعد شويه جايبه لعب وحاجات ) ايه , بتقولي ايه , مش بتحبي نجاة ! عايزه اغنية لشعبان عبد الحليم !طيب ( انا عايش ومش عايش ومش قادر علي بعدك ) ايه ده يا ست سالي ده ؟
_ فيه ايه يا شيخ سيد ؟
_ امك بتشتمني وبتقول ان صوتي مش حلو
_ هي جت ؟
_ لا لسه بس مش راضيه تنوزل علشان صوتي وحش
عبده طبعا قاعد بره وسامع اللي بيحصل ,وبيقول في سره ( هو الغول ده مش هينزل بقي علشان ناكل ولا ايه ؟)
ضربت في دماغه فكره في الجون !
شرب عصير القصب المركز واتحول لسوبر عبده , وراح لافف الملايه علي وشه ولف ودخل من الشباك علي سالي وسيد , و.................
_ عووووووووووووووووووووو !
_ يا دين النبي , عليا الطلاق بالتلاته الوليه دي هي اللي خلتني انزلك يا حاجه السماح والنبي السماح ( وياخد سيد ديله في سنانه ويقول يا فكيك ! )
اتفتح عبده في الضحك , وسالي زعلت منه وبتقوله :
_ يعني يا عبده مستخسر فيا اني اكلم ماما شويه , دنا حتي كنت عايزاها تنزل علشان المكرونه كنت هعملهالك انت .
_ يا سالي مش مشكله , هناكلها بره , وبعدين اصلا هتلاقي المواصلات غاليه من فوق , وعليها زحمة رهيبه .
فجاة تدخل عليهم من الشباك ام سالي , وهي طايره باجنحة :
_ ايه ده يا بت يا سالي , صوتكم جايب لحد فوق , الواد عبده ده مزعلك في حاجه ؟
_ هيه ماما جت .
_ عليا النعمه يا حماتي عمال اقولها من ساعتها نستني حماتي حبيبتي علشان ناكل المكرونه بالبشاميل مع بعض !!!!
يارب تكون عجبتكم
ومنتظر اشتراكاتكم وتعليقاتكم علي الحلقه التانيه
ونبتدي تاني يوم من يوميات سالي وعبده :[/size]
عبده راجع البيت طهقان وقرفان وعمال يسب ويلعن في الشغل والحر وفي سالي ( طبعا ) !!!!
بيرزع الباب بالرجل , ويزعق ( بس وهو بيبص يمينه وشماله ) :
_ انتي يا هانم ,اعملي الاكل بسرعه علشان جعاااااااااااااااان !
سالي تطلع بسرعه من الاوضه , فعبده يفتكرها طالعه علشان تموته , فيستخبي ورا الكرسي !
_ انت فين يا بني ادم يالي كنت بتزعق من شويه ؟
_ ايوه يا حبيبتي دنا كنت والله بس جعان وكنت عايز اكل !
_ اتكتم شويه علشان معايا ضيف مهم في الاوضة .
_ ومين ده بقي ان شاء الله اللي معاكي في الاوضه ؟
_ ده عم سيد البواب , اشتغل اليومين دول في تطليع الارواح , وانا امي وحشتني فقلت ييجي يجيبهالي اتكلم معاها شويه .
_ ( عبده في سره ) الهي يا رب قبل ما تجيلك تكوني انتي رايحالها , بس يا حبيبتي احنا هنزعج ماما ليه , ماتخليها فوق احسن .
_ اه قول بقي انك مش عايز تشوف ماما ياسي عبده .
_ لا العفو , بس هتنزلي ماما علشان تكلميها , وهي تلاقيها قرفانه من الارض اصلا .
_ لا اصل انا كمان يا عبده عايزه اسالها علي طريقة عمل المكرونه بالبشاميل .
_ يعني هتنزلي ماما علشان المكرونه اللي بالبشاميل يا سالي ؟ اجيبهالك ديلفري .
_ انت مش عايزها تنزل وخلاص علشان ماشتكيلهاش منك .
_ اعملي اللي عايزه تعمليه يا سالي بس انا جعان .
_ استني اما ماما تيجي علشان تاكل معانا .
_ يا مثبت العقل , يا بنتي دي ميته , يعني روحها بس اللي هتيجي .
_ انت مش هتبطل الطفاسه دي , يا نستني ماما يا اما مفيش اكل النهارده , قلت ايه ؟
_ استني وامري لله
قاعد عبده بره , وسامع سيد جوه عمال يتكلم كلام غريب !
_ انزلي بحق جاه النبي , انزلي يا فتكات يا ام سالي ومحسن , انزلي علشان صينية المكرونه تلحق تستوي قبل ما امشي !يعني عايزاني اغنيلك طييييييب ( ماما زمانها جايه جايه بعد شويه جايبه لعب وحاجات ) ايه , بتقولي ايه , مش بتحبي نجاة ! عايزه اغنية لشعبان عبد الحليم !طيب ( انا عايش ومش عايش ومش قادر علي بعدك ) ايه ده يا ست سالي ده ؟
_ فيه ايه يا شيخ سيد ؟
_ امك بتشتمني وبتقول ان صوتي مش حلو
_ هي جت ؟
_ لا لسه بس مش راضيه تنوزل علشان صوتي وحش
عبده طبعا قاعد بره وسامع اللي بيحصل ,وبيقول في سره ( هو الغول ده مش هينزل بقي علشان ناكل ولا ايه ؟)
ضربت في دماغه فكره في الجون !
شرب عصير القصب المركز واتحول لسوبر عبده , وراح لافف الملايه علي وشه ولف ودخل من الشباك علي سالي وسيد , و.................
_ عووووووووووووووووووووو !
_ يا دين النبي , عليا الطلاق بالتلاته الوليه دي هي اللي خلتني انزلك يا حاجه السماح والنبي السماح ( وياخد سيد ديله في سنانه ويقول يا فكيك ! )
اتفتح عبده في الضحك , وسالي زعلت منه وبتقوله :
_ يعني يا عبده مستخسر فيا اني اكلم ماما شويه , دنا حتي كنت عايزاها تنزل علشان المكرونه كنت هعملهالك انت .
_ يا سالي مش مشكله , هناكلها بره , وبعدين اصلا هتلاقي المواصلات غاليه من فوق , وعليها زحمة رهيبه .
فجاة تدخل عليهم من الشباك ام سالي , وهي طايره باجنحة :
_ ايه ده يا بت يا سالي , صوتكم جايب لحد فوق , الواد عبده ده مزعلك في حاجه ؟
_ هيه ماما جت .
_ عليا النعمه يا حماتي عمال اقولها من ساعتها نستني حماتي حبيبتي علشان ناكل المكرونه بالبشاميل مع بعض !!!!
يارب تكون عجبتكم
