اكتشف صراع الحضارات الاسلامية و الاوروبية و الصينية مع اقوى العاب الاونلاين

بسم الله الرحمن الرحيم


بعد بحث طويل على النت و بعد ما جربت العاب اونلاين كتير زى world of warcraft و MUcontient و the crims

وصلت لاحلى لعبة فى رايي الشخصى و راي كل اللى جربوها موجودة على النت

و بعد ما لعبتها مدة قررت انى اقدمها هدية لمنتدى الدى فى دى .... و لكل عشاق الالعاب ال MMPORG

اللعبة دى هى Silkroad online

كتير منكم هيسالنى ايه اللى يميز اللعبة دى عن غيرها من العاب الاون لاين ؟؟؟؟؟

هرد عليك و اقولك حاجات كتير جدا

1- من الالعاب الوحيدة على النت المجانية تماما و الى
الابد و لا تحتاج مصاريف شهرية مثل world of warcraft او تحتاج شراء سى دى
زى guild wars او حتى تحتاج donation زى mu cotienant او the crims و ال
donation ده اكيد كان بيضايق كل الناس اللى غاويين العاب اونلاين لانه
بيميز ناس عن ناس لكن فى اللعبة دى مفيش تمييز و مفيش donation :clap0000:
, فاللعبة دى مجانية و ستظل مجانية .

2- عدد الناس الرهيب اللى فى اللعبة لدرجة انك ممكن متشوفش قدامك فى المدن الرئيسية و يقدر عدد الاعبين بمئات الاف .

3- الجرافيك الاكثر من رائع اللى فى رايي يوازى ان لم يكن يتفوق على world of warcraft .

4- اسلوب القتال فى اللعبة ممتاز جدا و افضل من world of warcraft فى رايي .

5- كثرة عدد الشخصيات و الوظائف اللى ممكن تقوم بيها فى اللعبة .

6- اللعبة مبتقيدكش من البداية فى اختيار شخصية معينة و الالتزام بيها زى
ال mage او ال warrior قى معظم الالعاب الاونلاين , بل على العكس ....
طريقتك فى اللعب هو اللى بيدى لشخصيتك طابع مميز منفرد ليها ... و كل واحد
يقدر يبنى شخصيته بشكل مختلف مع تطوره فى المراحل .

7- اسلوب التجارة فى اللعبة بيخليك مستمتع بكل item او weapon بتلاقيه ...
لان كل حاجة ليها سعر فى اللعبة ... و الميزة فى اللعبة دى انك مش بتفضل
تدلل على البضائع بتاعتك و تفضل مستنى حد يجى يشترى منك زى معظم الالعاب
التانية .... لا انت بتعرض حاجاتك فى حاجة عاملة زى المحل بالاسعار اللى
انت عايزها ... و كل الاعبين بيدخلوا محلك و يتفرجوا على حاجاتك و يشتروا
اللى عايزينه و الفلوس تتحول اوتوماتيك لرصيدك .

8- اللعبة عمرها حديث ... لانها بدات من 4 اشهر فقط ... فهتلاقى معظم
اللعبين لسه متتطورش اوى فى ال lvl ... عشان كده قدامك الفرصة انك تبدا
معانا .

9- اللعبة اونلاين 24 ساعة 7 ايام فى الاسبوع .

10- المحاكاة للواقع فى اللعبة رائع... فمع تغير الوقت بيتغير المناخ من ليل و نهار و غروب و مطر و اعاصير .

11- اللعبة فى تطور مستمر و منتظر اضافة
two races , new skills, new weapons , new maps , and also will provide pets .

و ادى بعض صور للعبة و الصور دى ingame يعنى screen shots

و هسيبلكم شوية صور كمان فى المرفقات زيادة فى الابهار




و دى كمان شوية فيديوهات للعبة اول فيديو هو ال Trailer بتاع اللعبة و الباقى فيديوهات ingame
و نصيحتى تنزلوا اول فيديو لانه تحفه فنية بكل المقاييس و الفيديو بيفرجك على سمات كل حضارة من الحضارات الثلاثة ....

Video one " game trailer "

Video 2

Video 3

Video 4

و الفيديو ده للى مش عايز ينزل ال Trailer الكبير و ده Trailer تانى بس صغير و طبعا مش فى نفس جمال الاولانى
Trailer small

.........
اوكى لو عجبتك اللعبة نتكلم بقى فى ازاى تلعبها :

1- الاول اللعبة دى الجرافيك بتاعها عالى جدا فهتحتاج
متطلبات عالية فى الجهاز ... فبتحتاج كارت شاشة ع الاقل 32 ميجا و رامات ع
الاقل 256 ميجا و directX9c.

2- لو المتطلبات دى عندك يبقى تنزل اللعبة و هى مساحتها 502 ميجا ... نزلها من هنا

3- بعد ما تنزل اللعبة تسجل اسمك و كلمة السر فى الموقع الرسمى للعبة www.silkroadonline.net

4- بعد ما تسطب اللعبة و هى بتنزل فى حوالى جيجا و نص ... بيطلب منك تختار
سيرفر تلعب عليه من اربع سيرفرات ... انا عن نفسى بلعب فى سيرفر Aega .

5- بعد كده بتختار شخصية ولد او بنت ... و بتغير فى شكلها فى الطول و الوزن و الوجه و الملابس و خلافه .

6- و بكده تكون جاهز لاثبات جدارتك و تمشى فى طريق Silk road .

--------------------------------------------------------
-------------------------------------------

معلومات اضافيه و هامه عن اللعبه


1- شرح انواع الملابس و الاسلحة و السحر

http://www.dvd4arab.com/showt...=192645&page=4

-----------------------------------------------------------

2- شرح ال party ... و ال sos و ال Alchemy

http://www.dvd4arab.com/showt...192645&page=10

-----------------------------------------------------------

3- كل ال quests لحد lvl 20 + شرح ال sp farming و ال builds المختلفة

http://www.dvd4arab.com/showt...192645&page=13

-----------------------------------------------------------

4- اسئلة متكررة و الاجابات عليها

http://www.dvd4arab.com/showt...192645&page=14

-----------------------------------------------------------

5- شرح ال duel

http://www.dvd4arab.com/showt...192645&page=16

-----------------------------------------------------------

6- ما هى ال Tiger girl ؟

http://www.dvd4arab.com/showt...192645&page=17

-----------------------------------------------------------

7- خرائط لاماكن الوحوش ..

http://www.dvd4arab.com/showt...192645&page=24

-----------------------------------------------------------

8-شرح ال jobs المختلفة ...

http://www.dvd4arab.com/showt...192645&page=25

-----------------------------------------------------------

9-ال curse hearts quest .. و طريقة ال edit skill ..

http://www.dvd4arab.com/showt...192645&page=43

-----------------------------------------------------------

10- الاسلحة الجديدة فى الحضارة الاوروبية

http://www.dvd4arab.com/showt...92645&page=111

-----------------------------------------------------------

11- شخصيات الحضارة الاوروبية الجديدة

http://www.dvd4arab.com/showt...92645&page=110

-----------------------------------------------------------

12- فيديوهات عن الحضارة الجديدة

http://www.dvd4arab.com/showt...92645&page=109