من طرف the one الإثنين 01 سبتمبر 2008, 8:54 pmبسم الله الرحمن الرحيم
كل سنة وانتوا طيبين !
معلش جت متاخره شوية , بس والله شوية شغل , هنعمل ايه بقي ؟!
ايه اخباركم في رمضان ؟ لعل وعسي تكونوا بخير بعد اول يوم صيام , انا كنت هموت من العطش النهارده !! وربنا كان يوم صعب , لاني ماكنتش نمت قبله كمان , يعني كانت حكاية !!!
شكرا قوي للي فكر في فكرة الخيمة الجميله دي , اللي المفروض كلنا نجتمع فيها في رمضان ونحكي لبعض ونقول لبعض عن دينا وحياتنا , ونحاول نقرب من بعض دينيا وسلوكيا .
النهارده , هتكلم معاكم عن الصيام .
كل البشر بيصوموا , كل الدينات بتصوم , لكن صيام عن صيام يفرق ! طبعا , صيام المسحي غير الصيام الحقيقي بتاع المسلم .
اقتناعنا بفكرة الصيام نفسها , ياتري نابعة من ايه ؟
طيب فيه ناس كتير بتقول : ماهو ربنا شايفنا واحنا بنعمل الغلط , في رمضان او غيره , ايه الفرق ؟!
لا فيه فرق , انت بره رمضان فيه شيطان بيوسوسلك ( اعمل كذا , واعمل كذا ) بتتحاسب علي السيئة بمقدارها , لكن في رمضان , الشياطين مقيدين , لما بتعمل الغلط بيبقي نابع من تصرفك انت نفسك , ماحدش حرضك عليه , فبتتجازي علي تصرفك الغلط بالضعف .
ياريت نكون فاهمين كده كويس
مش هتقل عليكم في اول يوم , واسيبكم تاكلوا الخشاف وتشربوا الشاي
كل سنة وانتوا طيبين
