من طرف the one الأربعاء 03 سبتمبر 2008, 7:39 pmبسم الله الرحمن الرحيم
يوم عجيب من ايام رمضان
عليا النعمة انا النهاردة كنت هموت من الجوع
اصل بعيد عن السامعين انا كنت قاعد في السايبر , لقيت عيل صغير داخل وماسك كيس شيبسي في ايده
طردته بره ومارضيتش اخليه يلعب
من ساعتها ولحد الفطار , كيس الشيبسي ريحته ثبتت في مناخيري
دلوقت لما بفتكر بيبقي هاين عليا ارجع
اصل كلت زي ال..... في الفطار !!!
اه وربنا , الواحد بياكل زي المفاجيع !!
بس ده طبعا مضر بالصحة , وبيؤثر كمان علي حاجه تانيه
مابيخليش عندنا طاقه لاننا نصلي العشا والتراويح وكده
لان الاكل بيكبس علي انفاس الواحد
المشكلة الاكبر بقي , لو مصليتش المغرب قبل الفطار , يا نهار اسوح , مش هصليه خالص
مببقاش قادر اتحرك اصلا
علشان كده الواحد المفروض يقلل من الاكل شوية
يعين ياكل لحد ما يشبع
مش لحد ما ينفجر !!!
عموما تقبلوا مروري النهاردة , وعقبال مليون 3 ايام في رمضان
منتظر مشاركاتكم في الخيمة
بصراحه يا جماعة خذلتوني وخذلتم احمد ونونيا في انكم مارديتوش ولا ساهمتم في الخيمة
يعني كنا محتاجين شوية اهتمام
علي الاقل التفاته واحده
عموما لسه باقي كتير علي رمضان
ومنتظركم
شكرا
