من طرف the one الخميس 04 سبتمبر 2008, 10:44 amبسم الله الرحمن الرحيم
ياتري عاملين ايه النهاردة ؟ اكيد بخير لان رمضان مابيحصلش فيه حاجه وحشة ابدا , خاصة انكوا ناس محترمة , ومفيش شيطان يخليكوا تعملوا الغلط .
هو فيه ظاهرة بتضايقني شوية في رمضان , قبل ييجي شهر ولا اتنين منه نبص نلاقي الاعلانات مالية الدنيا , عن مسلسلات رمضان , مش فاهم ايه علاقة المسلسلات برمضان , كونه موسم وكده , طيب ايه علاقة يسرا والهام شاهين والبني ادمين دول برمضان ؟
يا جماعة الخير , رمضان مش شهر المسلسلات , ياريت نفهم المغزي الحقيقي منه , رمضان ماتعملش علشان نتفرج علي ليلي علوي , رمضان اتعمل علشان نقوم الليل , نصلي التراويح ,. نقرا القران , نعمل الحاجات اللي مش بنعملها في الغالب , وكل اجر ربنا بيضاعفه في رمضان .
يعني مثلا هو ممكن يتعمل مسلسلات دينية , وهتبقي جميلة جدا , والناس هتتلم حواليها وهتحبها , او مسلسلات تاريخية , برضه هتبقي حلوة جدا , لكن ابص الاقي ييجي 40 مسلسل , وكلهم نفس الفكرة ونفس القصة , هو ليه كده يعني ؟
عامة , ياريت نغير من عاداتنا السيئة دي , ونحاول نحس بقيمة رمضان .
اه صحيح , امبارح قلت اروح اصلي ركعتين في الجامع قبل ما اروح اتسحر , لقيت مفيش غير 3 بس في الجامع بيصلوا التهجد , الامام واتنين وراه , وانا بقيت الرابع !!!!
