من طرف the one السبت 06 سبتمبر 2008, 10:55 amبسم الله الرحمن الرحيم
غالبيتنا كشباب متشائمين , طيب ليه مابنفكرش بشكل مختلف , ونبص للجانب المشرق من الموضوع , نحاول ونفكر ونعمل اللي علينا , ومانياسش , وكل شئ هيتحل ويبقي تمام .
احيانا , بنبقي محتاجين تنويع , تنويع في الفكر , هقولكم ازاي , يعني مثلا بنبقي محتاجين اننا نتراخي ونستريح من اعباء الدنيا شوية , واحيانا بنبقي محتاجين نشتغل , واحيانا المفروض اننا بنبقي محتاجين نقرب من ربنا شوية , رمضان , هو ده الشهر اللي بيبقي فيه التقرب من ربنا ثوابه الضعف , وبرضه الغلطة جزاءها الضعف .
ليه مانبصش للدنيا بشكل تاني , اه علي اساس انها مجرد جزء من حياة طويلة واحنا عايشينها , وانها هتتعاش يعني هتتعاش , وان كل شئ وحش فيها ربنا هيعوضنا عنه , وان الانسان اللي احنا حبيناه او اتمنينا نكون معاه , وماتكتبلناش ده , ان ربنا هيعوضنا عنه خير بشرط اننا مانعترضش ونحمد ربنا , ليه احنا دايما مش راضيين ؟ اصل هي دي الدنيا ومش هتتغير , حياة وهتتعاش , لازم تدوق المر علشان تحس بطعم الحلو .
والسلام عليكم ورحمة الله وبركاته
