من طرف the one الجمعة 25 أبريل 2008, 11:41 pm
طيب لو انا شايف ان الحياة خلصت ومفيش اخلاص , امال انتي مسميا نفسك بالاسم ده ليه ؟
بالنسبه للتشاءم انا هقولك ليه انا فعلا كده , بصي انا مش متشائم لاني مقتنع بقضاء الله وقدره , لكن انا مخنوق من الدنيا , وزعلان منها قوي , لاني لسه ماشفتش حاجه حلوه منها , مفيش واحده حبيتها وهي كمان حبتني , الكل كان بيخدعني , مش عارف ليه , ممكن يكون العيب فيا , بس انا لو كانوا طلبوا مني عينيا كنت هديهالهم , انا كنت بفضلهم علي روحي ونفسي .
انا مبحاولش افكر في بكره , لاني لما بعمل كده وبتمني اني الاقي حاجه احسن واسعي لكده , بيحصل العكس تماما وبتوه اكتر من ما كنت تايه .
1 - بالنسبة لطموحي انا نفسي في الحب بجد , نفسي احس اني بتحب , بس حب بجد مش كدب , وطبعا نفسي يكون معايا فلوس , لاني عايز اعيش , عايز ارتبط واعيش حياة مستقره انا والهانم اللي المفروض اني ممكن ارتبط بيها (ده لو حصل اصلا وواحدة حبتني ) يعني مش عايزها تتشرد معايا ونقعد ندور علي شغل وكده , لا عايز أءمن ليها حياة مستقرة من قبل ما نرتبط , وبيتهيقلي ان ده حلم مشروع وانا بسعي بشده اني احققه .
2 - مش هكدب , انا مريت ب 4 تجارب , الاربعه انتهوا بالفشل , الاولي كانت بتغير عليا لدرجة انها سابتني علشان مكانتش قادره تعيش معايا بالطريقه دي , لانها شافتني ماشي مع اختي كذا مره في الشارع !!!
التانيه لففتني وراها وصاحباتها كانوا بيقولولي انها بتحبني , وفي الاخر نفضتلي وسابتني بدون سبب , مع اني كنت بحبها قوي قوي قوي .
التالته كانت بتكدب عليا انها بتحبني , وبطريقة غريبه جت فجاة وقالتلي ( انا اتخطبت يا يوسف !!) رديت بكل بساطه وقلتلها الف مبروك .
الاخيره كدبت برضه وقالت انها بتحبني , وفي الاخر سابتني ومادتنيش سبب .
انا حبيت الاربعه , بس التانيه كانت بالنسبه ليا شئ مختلف جدا , حبيتها بشكل فظيع وحبي ليها اثر بشكل انا ماوضحتوش علي العلاقات اللي بعدها .
بيتهيقلي اني ماخترتش غلط , بيتهيقلي ان العيب فيا انا , لان علي راي احمد حلمي ( هما الناس الطيبين كده , رزلين ) انا بقي رزل .
اسالتك سخنه قوي , للاسف فكرتيني بايام صعبه .
